सिस्नेरी नजिकै सुमो दुर्घटना, घाइते १० कै पहिचान खुल्यो

१९ साउन, काठमाडौं । शनिबार विहान मकवानपुरको सिस्नेरीमा टाटा सुमो दुर्घटना हुँदा १० जना घाइते भएका छन् । घाइतेमध्ये तीन जनाको अवस्था गम्भिर रहेको मकवानपुर प्रहरीले जनाएको छ ।

काठमाडौंबाट वीरगंजको लागी छुटेको मधेश प्रदेश ०३–००१ ज ०३६२ नम्बरको सुमो आफैँ अनियन्त्रित भई दुर्घटना भएको जिल्ला प्रहरी कार्यलय मकवानपुरका प्रहरी निरीक्षक प्रकाश साहाले जानकारी दिए । 

उनका अनुसार इन्द्रसरोवर गाउँपालिका वडा नम्बर ३ सिस्नेरी बजार नजिकै सुमो दुर्घटना भएको हो । चालकसहित १० जना घाइतेमध्ये चालकसहित ४ जनाको अवस्था गम्भीर छ भने बाँकी ६ जना बोल्न सक्ने अवस्थामा छन् । दुर्घटनामा घाइते भएकाहरूमा  भारत घर भई हाल काठमाडौँको नेपालटार बस्ने ४० वर्षीय सन्तोष रञ्जन,भारतको मोतिहारी घर भएका ५० वर्षीय रावशाती अन्सारी छन् । 

यस्तै भारत घर भई हाल ललितपुरको सानेपा बस्ने ६१ वर्षीय सतेन शाह, भारत घर भई हाल काठमाडौँको न्युरोड बस्ने २० वर्षीय अपरोज आलम,अन्य घाइतेमा सुमो चालक वीरगन्जका ३३ वर्षीय जाठिर मिया तेली गम्भीर छन् । 

भारत घर भई हाल काठमाडौँको बल्खु बस्ने ३५ वर्षीय प्रदीय राय, भारत घर भई काठमाडौँको कुलेश्वर बस्ने सुनील राय, उनकै भाई २४ वर्षका अनिल राय, भारत घर भई बल्खु बस्ने ४४ वर्षका मोहम्द मुस्लिम, बारा जिल्ला आदर्श कोतुवाला गाउँका २८ वर्षका औशान अन्सारी छन् ।
 

 ।