काभा बिच भलिबलः नेपालको दुबै टिम पुग्यो फाइनलमा

१९ साउन, काठमाडौं । नेपालको पुरुष भलिबल टोली काभा बिच भलिबल च्याम्पियनसिपको फाइनलमा पुगेको छ । भुटानमा भइरहेको प्रतियोगिताको सेमिफाइनलमा नेपालका मानबहादुर श्रेष्ठ र दिलबहादुर सुनारको जोडीले शनिबार माल्दिभ्स बी टिमलाई सोझो सेटमा पराजित गर्दै पाइनलमा पुगेको हो । 

थिम्पुस्थित चाङ्लिमिथाङ राष्ट्रिय रंगशालामा नेपालले माल्दिभ्स बी लाई २१–१०, २१–१६ को सेटमा हराएको हो । यसअघि नेपालको  महिला टोली पनि प्रतियोगिताको फाइनलमा पुगिसकेको छ । कमला पुन र मनीषा चौधरीको नेपाली जोडीले सेमिफाइनलमा शनिवार उज्वेकिस्तान बी टिमलाई २१–१३, २१–१२ ले पराजित गर्दै फाइनल पुगेको हो ।

नेपालको पुरुष टिमले अब फाइनलमा माल्दिभ्स ए टिमसँग तथा महिला टोलीले फाइनलमा उज्वेकिस्तान ए टिमसँग खेल्नेछ । फाइनल खेल पनि आजै हुनेछ ।