कुपण्डोल नजिक बागमती किनारमा भेटियो पुरूषको शव

२० साउन, काठमाडौं । आइतबार बागमती नदी किनारमा पुरुषको शव भेटिएको छ । ललितपुरको महानगरपालिका –१ को वडा कार्यालय नजिक बागमती किनारमा अन्दाजी ४०–४२ वर्षका पुरुषको शव भेटिएको हो ।

जिल्ला प्रहरी कार्यालय ललितपुरका अनुसार शव घोप्टो परेको अवस्थामा भेटिएको हो । बाढीले बगाएको जस्तो देखिएको र शव धेरै पुरानो जस्तो पनि नदेखिएको प्रहरीको भनाइ छ । शवको पहिचान खुलाउने प्रयास जारी रहेको र घटनाको अनुसन्धान भइरहेको प्रहरीले जनाएको छ ।