धनुषामा नेपाल प्रहरी र सशस्त्रका एसपी गिरीकै निर्देशनमा लाइन खुला
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
साउन २०, २०८१ आइतबार १२:७:२९
![](https://nepalbahas.prixacdn.net/media/albums/police_zNUWbFMh3z_1m0BvT3Sl9.jpeg)
२० साउन, धनुषा । पछिल्लो समय धनुषामा तस्करी पनि बढेको भन्दै सशस्त्र प्रहरी मुख्यालयले निगरानी बढाएको छ । जनकपुर भन्सार कार्यालयका कर्मचारी, नेपाल प्रहरी र सशस्त्र प्रहरीको मिलेमतोमा तस्करी बढेको व्यापारीहरूले गुनासो गरेपछि सशस्त्र प्रहरी मुख्यालयले निगरानी बढाएको हो ।
नेपाल प्रहरीका एसपी भुवनेश्वर तिवारी र सशस्त्र प्रहरीका एसपी दर्शन गिरी आउने बित्तिकै केही दिन सीमा नाकाहरू ठप्प पारेका थिए । पछि तस्करी तथा ठूला व्यापारीहरूसँग कुरा मिलेपछि धनुषाका विभिन्न नाकाबाट व्यवस्थित तस्करी फस्टाएको छ । तस्करीका तरिका पुरानै रहे पनि नेपाल प्रहरी र सशस्त्र प्रहरीले धनुषाभरिका लागि ३/३ जना घुमुवा राखेर आर्थिक उपार्जन गरेको र सीमा नाका खुल्ला गरेको स्रोतले जनाएको छ ।
‘पछिल्लो समय जटही छोटी भन्सारमा कार्यरत सशस्त्र प्रहरी जगदीश दासले जटहीदेखि धनौजीसम्मका व्यापारीहरूको लाइन मिलाउँछन् । धनौजीदेखि खजुरी, इनरुवासम्मको लाइन मिलाउने जिम्मा मूल भन्सारमा कार्यरत सुब्बा रामेश्वर चौधरीलाई दिइएको छ,’ सशस्त्र प्रहरीकै एक अधिकृतले भने । सुरेश साह, गफार मिया, अमोध यादवसहित अन्य व्यापारीहरूसँग मोटो रकम लिई राति तस्करी गराउँदै आएको एक व्यापारीले मुख्यालयमा उजुरी गरेको स्रोतको दावी छ । भारतबाट आयात हुने एसबेष्डस, तेल गुट्खालगायत कतिपय घरायसी सरसामान प्रतिबन्ध भए पनि हाल यिनै सरसामान बढी तस्करी हुने गरेको छ ।
व्यापारीको उजुरीपछि सशस्त्र मुख्यालयले दुई पटक एसपी गिरीलाई सोधपुछका लागि बोलाएको थियो । उनी शक्तिकेन्द्रको दबाबमा पुन: धनुषा जान सफल भएका थिए । अहिले मैनाथपुर प्रस्तावित सीमा सुरक्षा बेस बोर्डर आउट पोष्ट (बीओपी)मा कार्यरत डीएसपी भरत गौतमलाई परिचालन गर्ने त्यसलाई खुला राखेर तस्करी गरेको आरोप एसपी गिरीमाथि रहेको छ । धनुषाको अर्को नाका जटहीबाट पनि तस्करी भइरहेको भन्दै छिन्नामस्त बाहिनीले पनि एसपी गिरीलाई स्पष्टीकरण सोधेको थियो ।
भारतको विहार सरकारले मदिरा निषेध गरेपछि तस्करले नेपालबाट मदिरा सीमावर्ती भारतीय गाउँ शहरमा पुर्याउँदै आएका छन् । यी नाका भएर पारिबाट दैनिक उपभोग्य सामग्री चिनी, प्याज, आलु, दाल, चामल, धान, लता कपडा, तेलसहित लागूऔषध, मोटरपार्टस्, कस्मेटिक्सका सामान तस्करी भएर वारिका शहर पुग्ने गरेको छ । पछिल्लो समय लाइटर (ग्यास चुलो बाल्ने), टुथपेस्ट, कपालमा लगाउने तेलको भारत तस्करी यस भेगका लागि नौलो घटना बनेको छ । सशस्त्र प्रहरी नं. ८ गण धनुषाका एसपी गिरीले घुमुवा परिचालन गरी तस्करीको लाइन दिएका हुन् ।
एसपी गिरीले घुमुवा राखेको स्रोतको दावी छ । देखावटी रूपमा गणको मूल गेटमा ड्युटीमा राखिए पनि उनीहरू तस्करहरूसँग सेटिङमै बढी व्यस्त हुने गरेको स्रोत बताउँछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगृह मन्त्रालयले सशस्त्र प्रहरी सम्बन्धी विधेयक अर्थमा पठायो
भदौ २१, २०८१ शुक्रबार
अर्थ मन्त्रालयमा पठाइयो सशस्त्र प्रहरीसम्बन्धी विधेयक
भदौ २१, २०८१ शुक्रबार
कञ्चनपुरबाट करिब ५९ लाख मूल्यको सामान बरामद
भदौ १८, २०८१ मंगलबार
आतंकवादी समूहसँग नेपाल प्रहरीका डीएसपी कसरी जोडिए ?
नेपालबहस संवाददाता
भदौ २२, २०८१ शनिबार
नेपाल प्रहरी र सशस्त्र प्रहरी जवानको पेन्सन अवधि १६ प्रस्ताव
नेपालबहस संवाददाता
भदौ २२, २०८१ शनिबार
कांग्रेस सबैको घर हो, यसलाई बिग्रन दिँदैनौं : गगन थापा
भदौ २४, २०८१ सोमबार
सामाजिक सद्भाव कायम राख्न जेष्ठ सदस्यको ठूलो योगदान : अध्यक्ष लिङ्गदेन
भदौ २४, २०८१ सोमबार
इन्द्रजात्राको अक्षयकोष १५ करोड बनाउन पहल गर्छु : मन्त्री पाण्डे
भदौ २४, २०८१ सोमबार
एमालेको सचिवालय बैठक भदौ २८ मा बस्ने
भदौ २४, २०८१ सोमबार
प्रधानसेनापति सिग्देलले सम्हाले कार्यभार
भदौ २४, २०८१ सोमबार
नक्कली प्रमाण पत्र पेश गरि नियुक्ति लिएको आरोपमा सव-इन्जिनियरविरुद्ध मुद्धा दायर
भदौ २४, २०८१ सोमबार