काठमाडौं महानगरपालिकाको प्रमुख प्रशासकीय अधिकृतमा न्यौपानेको आगमन

काठमाडौं । काठमाडौं महानगरपालिकाको प्रमुख प्रशासकीय अधिकृतमा केदार न्यौपाने आएका छन् ।

काठमाडौं महानगरपालिकाका प्रमुख प्रकाशसकीय अधिकृत यादव कोइरालालाई संघीय मामिला तथा सामान्य प्रशासन मन्त्रालयको सचिवको रुपमा पदस्थापन गरिएपछि न्यौपाने उनको ठाउँमा आएका हुन् ।

आज पदबहाली गरेका न्यौपाने यसअघि प्रदेश १ को प्रमुख सचिवका रुपमा कार्यरत थिए। मन्त्रीपरिषदको वैशाख २ गतेको निर्णयले महानगरको प्रशासकीय अधिकृतका रुपमा नियुक्ति गरेको थियो । नवनियुक्त प्रमुख प्रशासकीय अधिकृत न्यौपानेले राजधानी शहरको छवि सुधार्न प्रयास गर्ने बताउँदै यसका लागि सरोकारवाला सबै एक ठाउँमा हुनुपर्नेमा जोड दिएका छन्।

केन्द्रीय राजधानीको गौरव बढाउन सार्वजनिक सेवा प्रदायकलाई समन्वय गरेर एकीकृत विकास पद्धतीको स्थापना गर्नमा जोड रहनेछ:-उनले भने। उपयुक्त व्यक्तिलाई क्षेत्रगत जिम्मेवारी दिने, असल अभ्यासको प्रवर्द्धन गर्ने संस्थागत सिकाईलाई व्यवस्थित गर्ने न्यौपानेले बताए।

‘काममा तपाईहरु पनि खुसी हुनुपर्छ जनता र जनप्रतिनिधी पनि खुसी हुनुपर्छ यसले मात्रै सार्वजनिक संस्थाको गरिमा बढ्छ।’ उनले भने।