अघिल्लो वर्षभन्दा विकास बैंकहरुले कमाए ४७ करोड ७१ लाख बढी मुनाफा

२१ साउन, काठमाडौं । बाणिज्य बैंकहरू जस्तै विकास बैंकहरुको पनि वित्तिय विवरण सार्वजनिक भएको छ । आर्थिक वर्ष २०८०/८१ मा विकास बैंकहरुले मुनाफा बढाएका छन् । विवरण अनुसार विकास बैंकहरुले मुनाफा ४७ करोड ७१ लाख देखिएको छ । 

प्रकासित विवरण अनुसार गत आर्थिक वर्ष २०८०/८१ को चौंथो त्रैमासमा बैंकहरुले ५ अर्ब ५५ करोड ६८ लाख रुपैयाँ खुद मुनाफा कमाएका छन् । जुन अघिल्लो आवको तुलनामा ९.३९ प्रतिशत बढी हो । अघिल्लो आवमा बैंकहरुले ५ अर्ब ७ करोड ९७ लाख रुपैयाँ मुनाफा कमाएका थिए । गत वर्ष शाइन रेसुंगा डेभलपमेन्ट बैंकले ६९ करोड ७४ लाख, लुम्बिनी विकासले ६० करोड ३७ लाख, महालक्ष्मी ४७ करोड १ लाख र ज्योति विकास बैंकले २४ करोड ६५ लाख रुपैयाँ मुनाफा कमाएका छन् ।

गरिमा विकास बैंकले १ अर्ब १३ करोड ६१ लाख मुनाफा कमाएको छ । गरिमाको मुनाफा अघिल्लो आर्थिक वर्षको तुलनामा १०.१६ प्रतिशतले घटेको छ । सांग्रिला डेभलपमेन्ट र कामना सेवा विकास बैंकको मुनाफा बढेको छ । गत वर्ष सांग्रिलाले खुद मुनाफा ९२.४७ प्रतिशत बढाएर ५२ करोड ४ लाख पुर्याएको छ । कामना सेवाले पनि मुनाफा ६६.९३ प्रतिशत बढाएर ६० करोड ३२ लाख पुर्याएको छ । अघिल्लो आवमा यी दुई बैंकले क्रमशः २७ करोड ४ लाख र ३६ करोड १३ लाख मुनाफा कमाएका थिए ।

गत वर्ष सर्वाधिक मुनाफा मुक्तिनाथ विकास बैंकले कमाएको छ । गत वर्ष मुक्तिनाथ विकास बैंकले १ अर्ब २७ करोड ९१ लाख ३४ हजार खुद मुनाफा कमाएको हो । बैंकको यो मुनाफा २.४८ प्रतिशत बढी हो । अघिल्लो आवमा पनि बैंकको १ अर्ब २४ करोड ८२ लाख मुनाफा कमाएको थियो ।