कमिशन र प्रतिशेयर आम्दानी घटेपछि एनआईसी एशिया बैंकले कमायो १ अर्ब ३८ करोड खुद मुनाफा

२१ साउन, काठमाडौं । गत आर्थिक वर्षमा एनआईसी एशिया बैंकको वित्तीय अवस्थामा सुधार आएको छ । चौथो त्रैमाससम्मको अपरिष्कृत वित्तीय विवरण अनुसार बैंकले १ अर्ब ३८ करोड खुद मुनाफा कमाएको छ । बैंकको कुल सञ्चालन आम्दानी भने १२.३६ प्रतिशतले घटेर १३ अर्ब १६ करोड ९३ लाख पुगेको छ । सञ्चालन मुनाफा ५३.८३ प्रतिशतले ३ अर्ब १ करोड ८१ लाख कायम भएको छ ।

अघिल्लो आर्थिक वर्षको सोही अवधिसम्ममा बैंकले ४ अर्ब ४४ करोड खुद मुनाफा कमाएको थियो । समीक्षा अवधीमा बैंकको खुद ब्याज आम्दानी १३.३९ प्रतिशत घटेर १० अर्ब ६१ करोड ७१ लाख ७२ हजार रुपैयाँ पुगेको छ भने खुद फि तथा कमिशन आम्दानी १३.८८ प्रतिशत घटेर २ अर्ब ७७ हजार पुगेको छ । बैंकको प्रतिशेयर आम्दानी पनि घटेको छ । 

समीक्षा अवधिमा बैंकको यस्तो आम्दानी २९ १७ पैसा घटेर ९ रुपैयाँ २६ पैसामा झरेको छ । असार मसान्तसम्ममा बैंकको प्रतिशेयर नेटवर्थ २०२ रुपैयाँ २४ पैसा र मूल्य आम्दानी अनुपात ४७.८४ गुणा रहेको छ । सो अवधिसम्ममा बैंकको वितरणयोग्य मुनाफा भने २ अर्ब ३० करोड रुपैयाँ ऋणात्मक छ ।

समीक्षा अवधिमा बैंकको खराब कर्जा ०.११ प्रतिशतबाट बढेर १.७४ प्रतिशत बढेको छ । जसका कारण बैंकको इम्पेरमेन्ट चार्ज २ अर्ब ८४ करोड पुगेको छ । बैंकको चुक्ता पूँजी १४ अर्ब ९१ करोड रहेको छ भने बैंकको जगेडा कोषमा १५ अर्ब २५ करोड सञ्चित छ ।