जेलमा रहेका सहकारीका पीडकसँग छलफल गर्ने छानबिन समितिको निर्णय

२१ साउन, काठमाडौं । सहकारीको रकम ठगी गरेको आरोपमा जेल गएका सहकारी पीडकहरूसँग संसदीय छानबिन समितिले छलफल गर्ने भएको छ । सहकारी संस्था वचत रकम दुरुपयोग सम्बन्धमा छानबिन गर्न गठित विशेष संसदीय समितिको आजको बैठकले सहकारी ठगीका पीडक पक्षसँग पनि छलफल गर्ने निर्णय गरेको हो ।  

सोमबार समितिको कार्यालय सिंहदरबारमा बसेको बैठकले सहकारी ठगी प्रकरणका पीडक पक्षसँग छलफल गर्ने निर्णय गरेको समिति सदस्य लेखनाथ दाहालले जानकारी दिए । समितिले विभिन्न जेलमा रहेका सम्बन्धित पीडकहरुलाई आवश्यक छलफल गर्नका लागि समितिमा उपस्थित गराउनका लागि गृह मन्त्रालयलाई आग्रह गरेको छ । अन्तिममा पीडकहरुसँग छलफल गरेर प्रतिवेदन बनाउने तयारीमा समिति रहेको छ ।