बंगलादेशको घटनाले नेपालमा हाई सुरक्षा अलर्ट, केन्द्रीय सुरक्षा समितिको बैठक सिंहदरवारमा

२१ साउन, काठमाडौं । बंगलादेशमा भएको राजनीतिक 'कु' को घटनालाई लिएर नेपाल सरकारले पनि सुरक्षा व्यवस्थामा कडाइ गर्ने भएको छ । हिंसा भड्किएपछि बंगलादेशको शासन सत्ता सेनाले लिएको छ । बंगलादेशकी प्रधानमन्त्री शेख असिना भागेर भारतमा शरण लिन पुगेकी छ । 

यो घटनाको समीक्षा गर्न गृह मन्त्रालयमा केन्द्रीय सुरक्षा समितिको बैठक बोलाइएको छ । स्रोतका अनुसार गृह मन्त्रालयमा गृहमन्त्री रमेश लेखक, गृहसचिव , नेपाली सेनाका प्रमुख, नेपाल प्रहरीका प्रमुख, सशस्त्र प्रहरी बलका प्रमुख, अनुसन्धान विभाग प्रमुखसहित सुरक्षा अधिकारीको उपस्थिति छ । बंगलादेशबाट उच्च तहका नेता नेपाल आउन सक्ने सम्भावनालाई मध्यनजर गरेर छलफल भइरहेको बताइएको छ ।

गृहमन्त्रीको निर्देशनमा गृहसचिव एकनारायण अर्यालले सुरक्षा निकायका प्रमुखहरूलाई बोलाएका हुन् । बैठकले नेपालको सुरक्षा अवस्थाबारे ब्रिफिङ गरिरहेको छ । नेपालमा पनि सुरक्षा व्यवस्था कडा बनाउने तयारी छ ।