राज्य व्यवस्था समितिले प्रधानमन्त्री बोलाएर भ्रष्टाचार निवारण ऐन संशोधन विधेयकमाथि गर्यो छलफल

२२ साउन, काठमाडौं । प्रतिनिधिसभा अन्तर्गतको राज्य व्यवस्था तथा सुशासन समितिको बैठकले भ्रष्टाचार निवारण ऐन, २०५९ लाई संशोधन गर्न बनेको विधेयकमाथि छलफल चलाएको छ । उक्त छलफलमा प्रधानमन्त्री केपी शर्मा ओली सहभागी छन् । 

बैठकमा विधेयकमाथि सांसदहरूले धारणा राखेका छन् । उनीहरुले भ्रष्टाचार जस्ता विषयलाई सरकारले प्राथमिकता दिएर निरुपण गर्नुपर्ने बताएका छन् । प्रधानमन्त्री ओलीले यो ऐन संशोधन गर्नु पर्नाको कारणबारे सांसदहरूलाई जानकारी गराएका छन् । समितिको बैठक चलिरहेको छ ।