भारत काभा महिला भलिबलको फाइनलमा

२२ साउन, काठमाडौं । भारत काठमाडौँमा जारी काभा महिला भलिबलको फाइनलमा पुगेको छ । भारतले मंगलबार सम्पन्न पहिलो सेमिफाइनलमा श्रीलंकालाई ३-० को सोझो सेटमा पराजित गर्दै फाइनलमा पुगेको हो ।

अब भारतले उपाधिका लागि नेपाल र इरानबीच आजै हुने दोस्रो सेमिफाइनलको विजेतासँग खेल्ने भएको छ । दोस्रो सेमिफाइनल खेल आजै केही बेरमा शुरु हुँदै छ । त्यस्तै फाइनल खेल बुधबार अपरान्ह ५ बजेदेखि शुरु हुने छ ।