कांग्रेस बैठकमा ११ एजेन्डा, पार्टीको सबै तहका जनप्रतिनिधिका लागि आउँदैछ ४१ बुँदे निर्देशन

२७ साउन, काठमाडौं । नेपाली कांग्रेसले पार्टीबाट निर्वाचित सबै तहका जनप्रतिनिधिमाथि निगरानी गर्ने गरी निर्देशिका जारी गर्ने भएको छ । जारी केन्द्रीय कार्यसमितिको बैठकमा निर्देशिकाबारे छलफल  भएको छ । बिहीबारको बैठकमा महामन्त्री विश्वप्रकाश शर्माले ४१ बुँदे निर्देशका तयार पारेर पेश गरेका थिए । 

आइतबार पनि कांग्रेसको बैठक जारी छ । बैठक बिहान ११ बजे पार्टी केन्द्रीय कार्यालय सानेपामा बस्नेछ । बैठकमा प्रस्तावित ११ वटा एजेन्डाहरूमा छलफल जारी छ । नेताहरूले सो विषयमा आफ्ना धारणा राखिरहेका छन् । समसामयिक राजनीतिक विषयमा पनि छलफल हुनेछ ।  बैठकमा बोल्ने अधिकांश नेताहरूले नेतृत्व र सरकारमा सहभागी मन्त्रीहरूको काम कारबाहीबारे गुनासो राखेका छन् । 

कांग्रेसले पार्टीबाट निर्वाचित भएका जनप्रतिनिधिको काम प्रभावकारी बनाउन ४१ बुँदे निर्देशिका जारी गर्न लागेको हो । महामन्त्री शर्माले उक्त निर्देशिका छलफलका लागि पेस गरेका हुन् । यही केन्द्रीय समिति बैठकबाट निर्देशिका पास गरेर कार्यान्वयनमा लैजाने कांग्रेसको तयारी छ ।

यो निर्देशिकाले आम नागरिकको भावना सम्बोधन गर्दै व्यवस्थित रूपले जनप्रतिनिधिहरूलाई जिम्मेवारी निभाउन सहयोग गर्ने अपेक्षा लिइएको कांग्रेसको भनाइ छ । पार्टी प्रवक्ता प्रकाशसरण महतका अनुसार वडादेखि संघसम्मका जनप्रतिनिधिका लागि कार्यसम्पादन निर्देशिका बनाउने विषयमा पनि केन्द्रीय समितिमा छलफल भइरहेको छ । 

प्रस्तावित निर्देशिकाअनुसार जनप्रतिनिधिहरुले संविधान, कानून र सम्बन्धित तहको निर्णयअनुरुप कार्य गर्नुपर्नेछ । जनप्रतिनिधिको कार्यसम्पादन जनमुखी र थप प्रभावकारी बनाउने उद्देश्यले सो निर्देशिका तयार गरिएको छ । निर्देशिकाअनुसार अब कांग्रेसका जनप्रतिनिधिले कांग्रेससँग फरक विचार राख्नेहरुलाई पनि कार्यकर्तालाई झैँ समान व्यवहार गर्नुपर्नेछ, कुनै पनि भेदभाव र असमान व्यवहार गर्न पाउने छैनन, महतले भने । 

 यस्ता छन ४१ निर्देशनः