रास्वपा सांसदलाई बोल्न दिनु पर्ने लिङ्देनको माग

२९ साउन, काठमाडौं । राष्ट्रिय स्वतन्त्र पाटीले संसदमा उठेर जनाएको विरोधमा राप्रपाका राजेन्द्र लिङदेनले समर्थन जनाएका छन् ।

रास्वपाका सांसद हरी ढकालले भ्रष्टचारका कारण सडक दुर्घटना भएको बताए पछि बिधुत बक्यौता महसुलका बारेमा बोल्न खोज्दा माइक काटे पछि विवाद सभामुख र रास्वपा बीच बढिरहेको बेला लिङदेनले समर्थन जनाएका छन् ।

‘सांसदहरुलाइ बोल्न दिनु पर्छ, कुनै प्रतिबन्ध लगाउन पाइदैन,’ लिङदेनले भने ।  सो अघि सभामुख देवराज घिमिरेले सांसद रवि लामिछानेलाई समय दिएका थिए तर लामिछानेले कुनै कुरा नबोली सांसद ढकाललाई नै बोल्न दिनु पर्ने माग गरेका थिए । उनीहरू अहिलेसम्म सोही मागमा अडिग रहँदै उभिएर विरोध गरिरहेका छन् ।