४०% मत ल्याउने पार्टीलाई एकल सरकार चलाउन दिने गरी संविधान शंसोधन गरौं : गगन थापा

२७ साउन, काठमाडौं । नेपाली कांग्रेसका सांसद गगन थापाले ४० प्रतिशत मत ल्याउने पार्टीलाई एकल सरकार बनाउन दिने गरी संविधान शंसोधन गर्न सकिने बताएका छन् ।

प्रतिनिधिसभाको जारी बैठकको विशेष समयमा बोल्दै थापाले ४० प्रतिशत मत ल्याउने पार्टीलाई एकल सरकार चलाउन दिने गरी संविधान शंसोधन गर्न सकिने उपायतिर जान सकिनेछ । 

‘संविधान शंसोधनको कुराले धेरै जना आत्तिएको देख्छु तर आत्तिनु पर्दैन, प्रतिनिधिसभा र राष्ट्रिय सभालाई अझ बढी समावेशी र समानुपातिक प्रतिनिधित्व गराउने गरी संविधान शंसोधन गर्नुपर्छ,’ थापाको प्रस्ताव छ, ‘बरु, ४० प्रतिशत मत ल्याउने पार्टीलाई एकल सरकार चलाउन पाउने गरी बरु सरकार चलाउन दिनुपर्छ, यसमा छलफल गरौं,’ थापाले भने  ।

साथै, नेपाली कांग्रेस र नेकपा एमाले बीचमा नयाँ सरकार गठन प्रक्रियामा सामेल नभए पनि रक्षाका लागि उभिने थापाले बताए । ‘यो सरकार गठन प्रक्रियामा संलग्न सांसद म होइन तर यो सरकारको रक्षा मैले गर्नेछु,’ उनले भने ।