भुटानी शरणार्थी, गिरीबन्धु र विद्युत महसुलमा सत्य तथ्य छानबिन होस् : गगन थापा

२७ साउन, काठमाडौं । नेपाली कांग्रेसका सांसद गगन थापाले भुटानी शरणार्थी, गिरीबन्धु र विद्युत मस्यौदा असुलीमा तलमाथि गर्न नहुने बताएका छन् ।

प्रतिनिधिसभाको जारी बैठकको विशेष समयमा बोल्दै थापाले भुटानी शरणार्थी प्रकरणमा हालसम्म भएका अनुसन्धानमा नै टेकेर थप अनुसन्धान गर्नु पर्ने, सर्वोच्च अदालतले दिएको आदेश अनुसार गिरिबन्धुको मुद्दा टुंग्याउने पर्ने र विद्युत महसुल बक्यौता कानुन अनुसार असुल गर्नुपर्ने समेत जनाएका छन् ।

‘हिजो हामी प्रतिपक्षमा बस्दा जे–जे बोलेका छौं, यतापटी कुर्सी (सत्तापक्ष)मा बस्दा पनि त्यही बिषय उठाउने छौं,’ उनले भने, ‘भुटानी शरणार्थी, गिरीबन्धु र विद्युत मस्यौदा शुल्कका बारेमा उहीँ धारणा रहेको छ, यसको सत्य तथ्य छानबिन हुन्छ ।’ 

उनले यी तीनै विषयलाई सरकारले सत्य तथ्य रुपमा छानबिन गर्नुपर्नेमा जोड गरेका छन् ।