१८ वर्षपछि शान्तिका पक्षधरहरुका खुसी छौँ, अब शान्ति प्रक्रियाका कामले पूर्णता पाउँछः प्रधानमन्त्री

३० साउन, काठमाडौं । प्रधानमन्त्री केपी शर्मा ओलीले शान्ति प्रक्रिया थालनी भएको १८ वर्षपछि सङ्क्रमणकालीन न्यायसम्बन्धी कानुनमा सहमति हुनु शान्तिका पक्षधरहरुका लागि खुसीको विषय भएको बताएका छन् । प्रतिनिधिसभाको बुधबारको बैठकमा समसामयिक विषयमा सम्बोधन गर्दै प्रधानमन्त्री ओलीले सहमतिका साथ कानुन पारित हुने चरणमा पुुगेकाले पारित भएका कानुनलाई कार्यान्वयन गर्न सरकारले यथेष्ट सहजीकरण गर्ने बताए । 

यस अवस्थासम्म आइपुग्दा प्रधानमन्त्री ओलीले लोकतन्त्रविरुद्ध केही प्रबृत्ति देखा परेको बताए । उनले त्यस्ता प्रबृत्तिप्रति सरकार सजग रहेको बताएका छन् । उनले लोकतन्त्रका विरुद्धमा केही प्रबृत्तिमा देखिन थालेका छन् । हामीले छानेको प्रणालीको के बनाउने भन्दा प्रणालीभन्दा बाहिरका प्रबृत्तिहरू, समाजिक सभ्यता, शिष्टटाहरूलाई नैतिकताका बन्धन, इमानका बन्धनलाई ख्याल नगर्ने यस्ता प्रबृत्तिबाट हामी सजग रहनुपर्छ, उनले भने । विभिन्न ढंगले भड्काउन खोजिएको छ । केही कमीकमजोरी होलान् । केही वाञ्छित उपलब्धी हासिल नभएका होलान् । तर यसका प्रणालीको विरुद्ध जाने प्रबृत्ति देखिन्छ । 
 
द्वन्द्वलाई मूल प्रवाहका साथै द्वन्द्वबाट अलगथलग भएका पक्षहरुलाई उत्थान गर्ने गरी हामी अघि बढेको बताए । ओलीले भने, ’हाम्रो देशमा द्वन्द्व थियो । हामीले शान्ति प्रक्रिया अगाडि बढायौँ । यो प्रक्रिया हाम्रो आफ्नै हिषाबको मौलिक (होम ग्रोन) हो । कहिले धीमा गति र कहिले समाधान हुँदै यो प्रक्रिया अगाडि बढेको छ । हामीले दुनियाँका लागि एक नमुनाका रुपमा शान्ति प्रक्रिया अगाडि बढाएका छौँ ।

नेपालमा शान्ति प्रक्रियाको अन्तिम किस्ताका रुपमा सत्य निरुपण तथा मेलमिलाप र बेपत्ता पारिएका व्यक्तिहरुको छानिबनसम्बन्धी कानुनलाई लिएको र राजनीतिक कार्यदल र संसदको सम्बन्धित समितिबाट पीडितकेन्द्रित हुने गरी सर्वसम्मत पारित भइसकेको उनले बताए । यस अर्थमा म खुुसी व्यक्त गर्दछुु । यो हाम्रो सफलता दुनियाँका लागि उपयोगी हुन सक्नेछन्, उनले भने ।