बुधबार शेयरबजारमा ३४ अंकको सुधार, २३ अर्ब ४३ करोडको शेयर किनबेच

३० साउन, काठमाडौं । मंगलबारको तुलनामा बुधबार शेयरबजार सुधारिएको छ । आज नेप्से परिसूचक  ३४.२९ अंक बढेर २९५७ अंकमा कायम भएको छ । आज २३ अर्ब ४३ करोडको शेयर किनबेच भयो । अघिल्लो दिन २१ अर्ब ५१ करोडको किनबेच भएको थियो ।

बुधबार बैंकिङ ०.७२, विकास बैंक ३.०७, फाइनान्स ७.६७, होटल तथा पर्यटन २.३७, हाइड्रोपावर १.९१, लगानी २.४९, उत्पादन ०.६४, निर्जीवन बीमा ०.७४, अन्य ०.८३ तथा व्यापार ०.३९ प्रतिशत बढे । माइक्रोफाइनान्स ०.७० तथा जीवन बीमा ०.०८ प्रतिशत घटे ।