सिन्धुलीको चियाबारी नजिक बोलेरो दुर्घटना हुँदा २ जनाको मृत्यु, ३ जनाको अवस्था चिन्ताजनक

३१ साउन, सिन्धुली । सिन्धुलीमाडी खुर्कोट खण्ड अन्तर्गत कमलामाई नगरपालिका २ चियाबारी नजिक बिहीबार बोलेरो दुर्घटना हुँदा दुई जनाको घटनास्थलमै मृत्यु भएको छ ।

मृत्यु हुनेमा गोलन्जोर गाउँपालिका ६ का पृथ्वी भुजेल र उदय मगर रहेका छन् । गोलन्जोर गाउँपालिकाको-६ को हैबार नाकाझोलीबाट सदरमुकाम आउँदै गरेको तरकारी तथा खाद्यान्न ओसार पसार गर्ने डबल क्याव बा २० च ८२८३ नम्बरको बोलेरो दुर्घटनामा परि पाँच जना घाइते भएको प्रहरीले जनाएको छ ।

घाइते मध्ये ३ जनाको अवस्था चिन्ताजनक रहेको छ । उनीहरुलाई काठमाडौं पठाइएको छ । अन्य घाइतेको सिन्धुली अस्पतालमा उपचार भइरहेको सिन्धुली प्रहरीले जनाएकाे छ ।