भक्तपुरको गठ्ठाघरमा ट्रकले स्कुटर चालकलाई ठक्कर दिएपछि घटनास्थल तनावपूर्ण

३१ साउन, काठमाडौं । ट्रकले स्कुटर चालकलाई ठक्कर दिएपछि भक्तपुरको गठ्ठाघरमा तनाव भएको छ । बिहीबार दिउँसो सवा २ बजेतिर कोटेश्वरबाट भक्तपुरतर्फ जाँदै गरेको ट्रकले स्कुटरलाई ठक्कर दिएको भक्तपुर प्रहरीले जनाएको छ । 

स्कुटरमा सवार व्यक्ति ट्रकमा च्यापिएपछि घटनास्थल अहिले तनावपूर्ण बनेको छ। दुर्घटनापछि मानिसहरू भेला भएर सडक अवरोध गरेका छन्। 

आक्रोशित भिडले स्कुटर चालकलाई ठक्कर दिने ट्रकको सिसा तोडफोड गरेका छन्। प्रहरीका अनुसार ट्रकमा च्यापिएका व्यक्तिलाई निकाल्न क्रेन घटनास्थलमा   पुगिसकेको छ।

 तस्बिर : नेपाल फोटो लाइब्रेरी