कतिमा हुँदै छ सुनचाँदीको कारोबार ?

३२ साउन, काठमाडौं । आज नेपाली बजारमा सुनको मूल्य घटेको छ भने चाँदीको मूल्य बढेको छ । शुक्रबार सुन तोलाको ९ सयले घटेर तोलाको एक लाख ४९ हजार ६ सयमा कारोबार भएको नेपाल सुनचाँदी व्यवसायी महासंघले जनाएको छ ।

यस अघि बिहिबार सुनको मूल्य तोलाको १ लाख ५० हजार ५ सय पुगेको थियो । त्यस्तै आज चाँदीको मूल्य भने बढेको छ । चाँदी आज प्रतितोला २० रूपैयाँले बढेर १७६० मा कारोबार भइरहेको महासंघले जनाएको छ ।