टीआरसीको सहमतिप्रति अमेरिका खुसी

३२ साउन, काठमाडौं । नेपालको संक्रमणकालीन न्याय टुंगोमा पुर्याउन दलहरुबीच भएको सहमतिको  अमेरिकाले स्वागत गरेको छ । सशस्त्र युद्ध क्रममा निरुपण हुन बाँकी युद्धकालीन घटनाका लागि आयोग बनाउनेबारे दलहरुले न्याय निरुपण प्रक्रियामा सहमति गर्दै केही दिनअघि संसद्बाट विधेयक समेत पारित गरेका थिए । 

नेपाल भ्रमण क्रममा अमेरिकाका व्यवस्थापन तथा स्रोत सम्बन्धी उपविदेशमन्त्री  रिचार्ड आर बर्माले प्रधानमन्त्री केपी शर्मा ओलीलाई सिंहदरबारमा शुक्रबार दिउँसो भेट्दै बधाई ज्ञापन गरेका हुन् । बर्माले नेपाली राजनीतिक नेतृत्वले संक्रमणकालीन न्याय टुंगो पुग्न लागेकामा बधाई दिए । उनले पीडितहरुको लागि वास्तविक पहल भएको अपेक्षा राखे ।