जोटा र सलाहको गोलमा लिभरपुल विजयी

१ भदौ, काठमाडौं । लिभरपुलले प्रिमियर लिगको नयाँ सिजनमा शानदार सुरुवात गरेको छ । शनिबार भएको खेलमा आइपीस्वीच टाउनलाई २-० गोल अन्तरले पराजित गर्दै लिभरपुलले नयाँ सिजनमा विजयी सुरुवात गरेको हो ।

लिभरपुलको जितमा डिओगो जोटा र मोहमद सलाहले एक एक गोल गरेका थिए । पहिलो हाफ बिना कुनै गोल सकिएको खेलमा दोस्रो हारको ६० औँ मिनेटमा जोटाले गोल गर्दै लिभरपुललाई सुरुवाती अग्रता दिलाएका थिए भने ६५ औं मिनेटमा सलाहले गोल गर्दै अग्रता दोब्बर पारेका थिए ।

यो जितपछि लिभरपुलले महत्वपूर्ण ३ अंक हासिल गर्दै सिजनको सुरुवात गरेको छ । त्यस्तै यसै सिजनमा प्रिमियर लिगमा आएको आइपीस्वीच टाउनले भने हारसँगै सिजनको सुरुवात गरेको छ ।