बझाङमा पहिरोले घर पुरियो, एकै परिवारका ४ जनाको मृत्यु

३ भदौ, धनगढी ।  बझाङमा पहिरो जाँदा एकै परिवरका ४ जनाको मृत्यु भएको छ । आइतबार राति बुंगल नगरपालिका–१० स्थित चुमेडामा पहिरो खस्दा एकै परिवारका ४ जना बेपत्ता थिए । पहिरोमा पुरिएका ५५ वर्षीय काली धामी, २५ वर्षीय गोल्की धामी, ६ वर्षीया आकृति धामी र ३ वर्षीया लक्ष्मी धामीको शव बिहान प्रहरीले जानकारी दिएको छ । 

उनीहरूको शव स्थानीयको सहयोगमा इलाका प्रहरी कार्यालय बुंगलबाट खटिएको टोलीले निकालेको हो । प्रहरीकाअनुसार राति करीब साढे १ बजेको समयमा एक्कासि वीरबहादुर धामीको घरमाथिबाट पहिरो गएको थियो ।

पहिरो गएको थाहा पाएपछि ६२ धामीसहितका ६ जना भागेर ज्यान जोगाउन सफल भएका छन् । स्थानीय १६ वर्षीया कमला धामी, ३० वर्षीय उज्ज्वल धामी,१० वर्षीय रोशन धामी, २० वर्षीया शान्ति धामी र ७१ वर्षीय अम्बादत्त जोशी भागेर ज्यान जोगाएको प्रहरीले जनाएको छ ।