८६ वर्षका योगी पाइलट बाबाको निधन

४ भदौ, काठमाडौं । योगी पाइलट बाबाको निधन भएको छ । मंगलबार दिँउसो २ देखि ३ बजे मुम्बईस्थित कोकिलाबेन अस्पतालमा उनको निधन भएको हो । पाइलट बाबालाई उक्त अस्पतालमा एक महिना आठ दिनसम्म आईसीयूमा राखेर उपचार गरिएको थियो । 

८६ वर्षका उनी लामो समयदेखि मधुमेहको समस्याबाट पीडित थिए । पछिल्लो समय छातीमा खराबी देखिएपछि अस्पताल भर्ना गरिएको थियो । पाइलट बाबाको अन्त्येष्टि बुधबार भारतकै हरिद्वारमा गरिने भएको छ । बाबाको आधिकारिक फेसबुक पेजमा उनको निधनको खबर राखिएको छ ।