७२ जना यात्रु लिएर पोखराबाट काठमाडौं उडेको बुद्ध एयरको जहाज भैरहवा पुर्याएर अवतरण गरियो

५ भदौ, पोखरा । विहानदेखि नै मौसम खराब भएका कारण अवतरण गर्न नसकी पोखराबाट काठमाडौंका लागि उडेको बुद्ध एयरको जहाज भैरहवा डाइभर्ट भएको छ । सो जहाज पोखराबाट ७२ जना यात्रु लिएर बिहान काठमाडौंका लागि उडेको थियो । तर, मौसमका कारण अवतरण गर्न नसकी भैरहवा डाइभर्ट भएको हो ।  

बुद्धको उडान नम्बर ६६४ एयर अटिआर ७२ को जहाज काठमाडौंका लागि उडान भए पनि भैरहवा ल्याण्ड भएको पोखरा विमानस्थलकी सूचना अधिकारी जसोदा रेग्मीले जानकारी दिइन् । अहिले यात्रु भैरहवा विमानस्थलमा रहेको र काठमाडौंको मौसम खुलेलगत्तै उडान हुने जानकारी यात्रुहरुलाई दिइएको छ । 

बुधबार विहान साढे ७ बजेर २५ मिनेटमा उड्नुपर्ने जहाज मौसम खराबीको कारण सवा ९ बजेमात्र काठमाडौं उठेको थियो । मौसम खराब भएका कारण काठमाडौं विमानस्थलमा अवतरण हुन सकेन । करिब २० मिनेर आकासमा घुमेर भैरहवा पुगेर अवतरण भयो । 

काठमाडौं अवतरण नभएपछि डाइभर्ट गरेर  १०ः२० मा भैरहवामा ल्याण्ड भएको हो । पोखराबाट उडान भर्ने बेला काठमाडौं मौसम ठिकै देखिए पनि पछि खराबी आएको विमानस्थलको भनाइ छ । बिहान पोखरा विमानस्थलबाट २ वटा बुद्ध एयरको जहाज काठमाडौंका लागि उडेको थियो । त्यसमध्ये एउटा ल्याण्ड भएको छ भने अर्को भिजिविलिटीका कारण अवतरण गर्न नसकी भैरहवा पठाइएको हो ।