गरिमा विकास बैंकको संचालक र शेयरधनीलाई खुशीको खबर

काठमाडैं । गरिमा विकास बैंक लिमिटेडले गत वर्षको तुलनामा ५० प्रतिशतको नाफा वृद्धि सहितको वित्तीय विवरण प्रकाशन गरेको छ । गत वर्षको यसै अवधीमा २८ करोड १५ लाख ६४ हजार कमाएको बैंकले यो वर्ष ४२ करोड ३७ लाख ९६ हजार रूपैयाँ खुद नाफा आर्जन गरेको छ ।

पूँजी कोष अनुपात २० बाट १५ प्रतिशतमा संकुचन आउनु बाहेक बैंकको पूँजी, जगेडा कोष, निक्षेप संकलन र कर्जा परिचालन, खराब कर्जा लगायतका अधिकांश सूचकमा गरेको सुधारले बैंकको प्रगतिको संकेत गर्दछ ।

समीक्षा अवधिमा बैंकको चुक्ता पूँजी १० प्रतिशत, जगेडा कोष ३९ प्रतिशत, निक्षेप ६२, कर्जा लगानी ५२, र खुद नाफा ४१ प्रतिशत धेरैले सुधारिएको छ । यस अवधिमा बैंकको पूँजी २ अर्ब ७८ करोड ८३ लाख र जगेडा कोष ७९ करोड ६८ लाख पुगेको छ ।

यस अवधिमा बैंकले निक्षेप संकलन १८ अर्ब ६३ करोडबाट बढाएर ३० अर्ब ३५ करोड रुपैयाँ पुर्याएको छ भने कर्जा परिचालन पनि १७ अर्ब १० करोडबाट २६ अर्ब १५ करोड रुपैयाँ पुर्याएको छ ।

व्यवसायमा बिस्तार गरेसँगै समीक्षा अवधिमा बैंकले ६९ करोड ९६ लाख खुद व्याज आम्दानीलाई बढाएर ९९ करोड ९ लाख पुर्याएको छ । कर्जा लगानीमा आएको वृद्धिले खुद ब्याज आम्दानी ९९ करोड ९ लाख पुग्दा प्रतिशेयर आम्दानी ३३ प्रतिशतले बढको छ ।

गत आर्थिक वर्षको चैत मसान्तमा १४ रुपैयाँ ८१ पैसा रहेको बैंकको प्रतिशेयर आम्दानी २० रुपैयाँ ६ पैसा र खराब कर्जा पनि ०।७८ बाट ०।२६ प्रतिशतमा सुधार भएको छ ।

यस्तै प्रतिशेयर नेटवर्थ १२८ रुपैयाँ ५८ पैसा, र मूल्य आम्दानी अनुपात ९.६२ गूणा र बैंकको लगानीको प्रतिफल १७.८७ प्रतिशत छ ।

काठमाडौंको लाजिम्पाटमा केन्द्रीय कार्यालय रहेको यस विकास बैंकको हाल काठमाडौं उपत्यकाभित्र ८ वटा शाखा सहित देशभर ७६ शाखा र २६ वटा एटीएम संचालनमा छन । विकास बैंकले निकट भविष्यमा नै देशका विभिन्न स्थानमा थप १५ शाखा कार्यालय स्थापना गर्दैछ । नाफा बढेसँगै संचालक र शेयरधनीहरुले खुशी व्यक्त गरेका छन् । बैंकका प्रायः सबै सुचकहरुको सकारात्मक प्रगति देखिएको छ ।