रोनाल्डोको गोलका बाबजुद बराबरीमा रोकियो अल नासर

७ भदौ, काठमाडौं । साउदी प्रो लिगको नयाँ सिजन शुरु भएको छ । गएराति सम्पन्न साउदी लिगको खेलमा अल नासर बराबरीमा रोकिएको छ । अल नासरलाई अल राएदले १-१ गोलको बराबरीमा रोकेको हो ।

अल नासरका लागि क्रिस्टियानो रोनाल्डोले खेलको ३४औं मिनेटमा गोल गर्दै सुरुवाती अग्रता दिलाएपनि सो अग्रता जोगाउन नसक्दा अंक बाँड्नु परेको थियो । अल राएदका लागि मोहमद फौजैरले खेलको ४९औं मिनेटमा पेनाल्टीबाट गोल गरेका थिए । यो खेलपछि दुवै क्लबले एक एक अंक हासिल गरेका छन् ।