मुस्ताङको थसाङ-२ मा हिमपहिरो, ९ घरका परिवारलाई सारियो सुरक्षित स्थान

७ भदौ, काठमाडौं । मुस्ताङमा हिमपहिरो गएको छ । मुस्ताङ, थसाङ गाउँपालिका वडा नम्बर २ कोबाङमा हिमपहिरो खसेको हो । हिमपहिरो आएर बोक्से खोला थुनिएको मुस्ताङमा प्रमुख जिल्ला अधिकारी जनकराज पन्तले बताए । उनले दिउँसो दुई बजे बोक्से खोला थुनिएको जानकारी आएको र टोली गएर हेर्दा हिमपहिरो खसेर खोला थुनिएको देखिएको बताए । 

उनले पूरै हिमपहिरो तल नखसे पनि नदीचाहिँ थुनिएको बताए । बोक्से म्याग्दीबाट जोमसोम नपुग्दै वरै पर्छ । खोलाको तटीय क्षेत्रमा ९ घरहरू रहेको उनीहरूलाई सुरक्षित स्थानमा जान भनिसकिएको पन्तले जानकारी दिए । खोला थुनिएपछि तीनवटै सुरक्षा निकायलाई सतर्क राखिएको पनि प्रजिअ पन्तले बताए ।

१३ः४५ बजे मुस्ताङ थासाङ गापा २ गुर्सा स्थित बोक्सिखोलामा माथिबाट हिउको ढिस्को खसेर खोला थुनिएको जानकारी प्राप्त भए पश्चात नं. ३३ गुल्म मुस्ताङबाट सप्रनाउको कमाण्डमा १५ जनाको टोली खटिएको छ । 

हेर्नुस् भिडियोमा हिमपहिरोले थुनिएको बोक्सीखोला