गौरामा प्रधानमन्त्रीले भने, नेपाली समाजलाई बिथोल्ने र भड्काउने यस खालको प्रयास सफल हुँदैन

१० भदौ, काठमाडौं । प्रधानमन्त्री केपी शर्मा ओलीले नेपाली समाजलाई बिथोल्न त्यति सजिलो नभएको बताएका छन् । उनले नेपाली समाज बहुसांस्कृतिक र शान्तिप्रेमी भएकाले यसलाई बिथोल्ने र भड्काउने प्रयास सफल हुन नसक्ने बताए ।

सोमबार काठमाडौंस्थित सैनिकमञ्चमा भएको गौरा पर्वको शुभकामना आदानप्रदान कार्यक्रममा प्रधानमन्त्री ओलीले नेपालीपन भनेको मेलमिलाप र शान्तिपूर्ण भएपनि कतिपय नयाँ पुस्तामा सभ्यता, शिष्टता र मर्यादाको ख्याल नभएको देख्दा दुःख लागेको बताए । उनले सम्बोधन गरिरहँदा नेताविरुद्ध नारावाजी लागिरेहेको थियो ।  

प्रधानमन्त्री ओलीले सुन्दर सुदूरपश्विमबाट सुरु भएको गौरा पर्व नेपालको मौलिक पर्व भएको बताए । कार्यक्रममा सत्तारुढ नेपाली कांग्रेसका सभापति शेरबहादुर देउवा समेत सहभागी थिए । देउवाले भने भिडभित्र भइरहेको उत्श्रृखल नारावाजीको मञ्चबाटै प्रतिकार गर्न खोजेका थिए ।