टुँडिखेलको घटना सामान्य होइन, नसुध्रिएमा हावा हुण्डरीले उडाउँछ : अमरेशकुमार सिंह

११ भदौ, काठमाडौं । स्वतन्त्र सांसद डा. अमरेश कुमार सिंह सोमबारको टुँडिखेल र पाटन कृष्ण मन्दिरको घटना राजनीतिक नेताहरु र दलहरुलाई जाग्नु पर्ने चेतावनी भएको टिप्पणी गरेका छन् ।

सिंहले बंगलादेशमा पनि सेख हसिनासँग पनि दुई तिहाइको जनादेश रहेको उल्लेख गर्दै आफूले भयावह अवस्था आउँदै गरेको देखेको बताए । उनले दलहरूले आफ्नै नेतृत्वमा सरकार हुँदा पनि विश्व विद्यालय आफ्नै विद्यार्थी संगठनले बन्द गरिरहेको आरोप लगाए । सिंहले नेताहरु नसुध्रिएमा हावा हुण्डरीले नेताहरूलाई उडाउने समेत चेतावनी दिए ।