संघीय संसदको दुबै सदनबाट पारित भएको टीआरसी विधेयक राष्ट्रपतिसमक्ष पठाइँदै

११ भदौ, काठमाडौं । संघीय संसदको दुबै सदनबाट पारित भएको संक्रमणकालीन न्यायसम्बन्धी संशोधन विधेयक राष्ट्रपतिसमक्ष पठाउने भएको छ । राष्ट्रिय सभाबाट पारित भएको सन्देश मंगलबार प्रतिनिधि सभामा टेबुल भएको छ । २०७९ साल फागुन २५ गते गते दर्ता भएको विधेयक साउन ३० गते प्रतिनिधि सभाबाट पारित भएर राष्ट्रिय सभामा गएको थियो । राष्ट्रिय सभाले ६ भदौमा पारित गरेको थियो । 

मंगलबार प्रतिनिधि सभाका सचिव सुरेश अधिकारीले बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०८१ राष्ट्रिय सभाबाट पारित भएको सन्देशबारे जानकारी गराए । दुवै सभाबाट पारित भएसँगै अब यो विधेयक सभामुख देवराज घिमिरेबाट प्रमाणित भएर प्रमाणीकरणका लागि राष्ट्रपतिकहाँ जान्छ । राष्ट्रपतिले प्रमाणीकरण भएपछि कानुन बनेर कार्यान्वयन हुन्छ ।