महामन्त्रीका प्रतिवेदन अब पदाधिकारी तहमा छलफल हुने

१३ भदौ, काठमाडौं । नेपाली कांग्रेसका महाममन्त्रीद्वयका प्रतिवेदन अब पदाधिकारी तहमा छलफल हुने भएका छन् । पूर्ण परिमार्जन गर्नेबारे आफूले दुई चरणमा छलफल गरेपछि सभापति शेरबहादुर देउवाले पदाधिकारी र पूर्व पदाधिकारीबीच छलफल गराउन चाहेका छन् । 

शनिबार विहान ९ बजे देउवा निवास बुढानीलकण्ठमा बस्ने गरी बैठक बोलाइएको छ । १६ भदौमा बस्ने केन्द्रीय समिति अघि महामन्त्री गगन थापा र विश्वप्रकाश शर्माको प्रतिवेदनमा सहमति खोज्न देउवाले शीर्ष नेताको बैठक बोलाएका हुन् ।

सभापति देउवाले मंगलबार र विहीबार (आज) दुई महामन्त्रीको प्रस्तावका लागि उपसभापति र महामन्त्रीसँग छलफल गरेका थिए । दुई दिनको छलफलमा सहमति जुट्न सकेको छैन । चुनावी तालमेल नगर्ने, एक्जिट पोलिसी र महाधिवेशनको कार्यतालिकामा सहमति जुट्न सकेको छैन । ‘मुख्यत तीन एजेण्डामा दुई दिनको छलफलमा भएको छ ।