प्रहरीको उमेरहदसम्बन्धी रिटमा पनि सर्वोच्चले दिएन अन्तरिम आदेश

१३ भदौ, काठमाडौं । नेपाल प्रहरीका पाँच जना अधिकारीले दिएको उमेरहद सम्बन्धी रिटमा पनि सर्वोच्च अदालतले अन्तरिम आदेश दिन अश्विकार गरेको छ । नेपाल प्रहरीका अतिरिक्त महानिरीक्षक (एआईजी) श्यामलाल ज्ञवालीसहित ५ जनाले उमेर हदका कारण हुने अवकाश रोक्न माग गर्दै रिट दायर गरेका थिए । उक्त रिटमा  सर्वोच्च अदालतले कारण देखाउ आदेश जारी गर्दै छलफलमा बोलाएको छ । 

बिहीबार न्यायाधीश शारंगा सुवेदीको इजलासले अन्तरिम आदेशका लागि छलफलमा बोलाएको हो । अवकाश हुन लागेका एआईजी ज्ञवालीसहितले उमेर हदका कारण हुने अवकाश रोक्न माग गर्दै बुधबार सर्वोच्च अदालतमा रिट दायर गरेका थिए । उमेर हदका कारण हुने अवकास रोक्न माग गरिएको रिट  न्यायाधीश सुवेदीको एकल इजलासमा परेको थियो ।