टी–२० विश्वकप खेलेका खेलाडीलाई जनही ३ लाख प्रोत्साहन भत्ता दिने क्यानको निर्णय

१३ भदौ, काठमाडौं । नेपाल क्रिकेट संघ (क्यान)ले टी–२० विश्वकप खेलेका खेलाडीहरूलाई जनही ३ लाख रुपैयाँ प्रोत्साहन भत्ता दिने निर्णय गरेको छ । क्यान कार्यसमितिको बिहीबार बसेको बैठकले विश्वकप खेलेका खेलाडीलाई प्रोत्साहन भत्ता दिने निर्णय गरेको हो ।  टिममा रहेका खेलाडीहरू र मुख्य प्रशिक्षकले जनही ३ लाख पाउनेछन् भने अरु सपोर्ट स्टाफले जनही १ लाख ५० हजार रुपैयाँ पाउने क्यानका प्रवक्ता छुम्बी लामाले जानकारी दिए ।