गर्मी छल्न जाने होइन मैलुङ्ग झरना

१५ भदौ, काठमाडौं । रसुवा जिल्लाको उत्तरगया गाउँपालिकामा पर्ने मैलुङ्ग झरना यति बेला गर्मी छल्नका लागि आन्तरिक पर्यटकको पहिलो रोजाइमा पर्ने गरेको छ । 

चलनचल्तीको रुपमा भाङ्गे झरनाको नामले समेत चिनिने सो झरना अहिले भने मैनुङ्ग झरना नामले विभिन्न सामाजिक सञ्जालमा समेत चर्चित भएको छ । सोही कारण अहिले झरना हेर्न आउने, टिकटक बनाउने र रमाउन आउने आन्तरिक पर्यटकको रोजाइमा परेको छ सो झरना । 
  
राजधानी काठमाडौं देखि करिब ७० किलोमिटर दूरीमा रहेको सो झरना मोटरबाइक, बसको प्रयोग गरी पुग्न सकिन्छ । जहाँ त्रिशुली नदी मुनीबाट बगेको छ भने मैलुङ्ग झरना माथी पट्टी रहेको छ । गर्मी बढे सगै सो झरनामा गर्मी छल्न मान्छेको भिड बढ्ने गरेको स्थानीयहरू बताउँछन् । त्यस्तै अन्य दिनहरुको तुलनामा शनिबार भने अत्यधिक भिड लाग्ने गर्दा छ।