नेपाल प्रहरी र सशस्त्रबाट १०५ जना अवकाशमा जाँदा २ सय सीट रिक्त

१६ भदौ, काठमाडौं । नेपाल प्रहरी र सशस्त्र प्रहरीका १ सय ५ जना अधिकारीहरु आजबाट ३० वर्षे सेवा अवधिका कारण अनिवार्य अवकाशमा गएपछि एकैपटक धेरै उच्च अधिकारीहरूको पद रिक्त भएको छ । तत्काललाई ३० वर्षे अवधि कायम नहुने भएपछि आइतबारबाट एकै साथ नेपाल प्रहरी तर्फ ८९ जना र सशस्त्र प्रहरीतर्फ १६ जना अधिकृतहरू अवकाशमा जाँदा करिब २ सय पद रिक्त भएको हो । रिक्त रहेको करिब २ सय पदका लागि नेपाल प्रहरी र सशस्त्र प्रहरीमा रस्साकस्सी शुरु भएको छ ।

सर्वोच्च अदालतका न्यायाधीश हरिप्रसाद फुँयालको इजलासले ३० वर्षे हटाउन दिएको अन्तरिम आदेश शुक्रबार संयुक्त इजलासबाट खारेज भएसँगै ३० वर्षे नै कायम हुँदा उनीहरुले आइतबारबाट एकसाथ अवकाश पाएका हुन् । उनीहरू मध्ये केहीको शुक्रबार र  केहीको आज (आइतबार) विदाइ गरिएको छ ।

सर्वोच्चका न्यायाधीश विनोद शर्मा र शारङ्गा सुवेदीको संयुक्त इजलासले सरकारको भ्याकेट निवेदनमा माग भए अनुसार गत बिहीबार न्यायाधीश फुँयालको एकल इजलासले गरेको अन्तरिम आदेश खारेज भएको हो । यो आदेश खारेजसँगै नेपाल प्रहरीका नायब महानिरीक्षक (डीआईजी) विष्णु कुमार केसीसहित ८९ जना एकसाथ अवकाश हुने भएका छन् । सशस्त्र प्रहरीमा पनि डीआईजीद्वय अभि खत्री र दुर्गा भट्टराई सहित १६ अधिकृतहरू घर गएका छन् । शनिबार बिदा भएको र आइतबारदेखि ३० वर्षे सेवा हद लाग्ने भएकाले उनीहरूको सेवा अवधि सकिएको छ । प्रहरी ऐनमा तीन प्रावधानले अवकाश हुने व्यवस्था छ । ३० वर्षे सेवा अवधि, उमेर हद र सेवा अवधि मध्ये जुन पहिले आउँछ, सोही व्यवस्था अनुसार अनिवार्य अवकाश दिने व्यवस्था छ ।  ८९ जना प्रहरी ३० वर्षे सेवा अवधि पूरा भएका कारण अवकाश हुने भएका हुन् ।

अनिवार्य अवकाश हुनेमा २०५१ साल भदौमा एकसाथ प्रहरी सहायक निरीक्षकमा भर्ना भएर हाल नेपाल प्रहरी तर्फ डीआईजी रहेका विष्णुकुमार केसी सशस्त्र प्रहरी तर्फ डीआईजीद्वय अभि खत्री र दुर्गा भट्टराई देखि प्रहरी निरीक्षकहरूसम्म छन् ।

अवकाश हुनेमा ११ जना प्रहरी वरिष्ठ उपरीक्षक (एसएसपी) छन् । एसएसपीहरु ट्राफिक प्रहरी प्रमुख जीवनकुमार श्रेष्ठ, रेवती ढकाल, किसनसिंह थापा, दिल्लीराज विष्ट, बेलबहादुर पाण्डे, नवीनराज राई, रविकुमार पौडेल, वीरबहादुर ओली, चन्द्रदेव राई र रवीन्द्र रेग्मीले पनि अवकाश पाएका छन् । एसपीहरूमा कृष्ण प्रसाई, प्रेमबहादुर बस्नेत, राजेन्द्रबाबु रेग्मी, लक्ष्मीराज अधिकारी, देवेन्द्रबहादुर पाल, विष्णुहरि कोइराला, अवदेश बिष्ट क्षेत्री, नरेन्द्रकुमार कार्की, टेकुनन्द ईवा लिम्बु, चित्रबहादुर गुरुङ र नवीनकिशोर प्रधान पनि उनीहरूसँग अवकाश भएका छन् ।

डीएसपी श्रीराम भण्डारी, भरतकुमार शाह, रामकृष्ण सापकोटा, गणेशबहादुर श्रेष्ठ, भरतबहादुर चौधरी, ऐनबहादुर मल्ल, किरणप्रसाद न्यौपाने, होमबहादुर थापा, मनोजकुमार श्रेष्ठ, जनकबहादुर मल्ल, राजनकुमार गौतम, महेश बस्नेत, खगेन्द्रप्रसाद रिजाल, भोजराज पाण्डेय, लालबहादुर बम छन् ।

यस्तै नारायणबहादुर श्रेष्ठ, राकेशकुमार पोदार, गोविन्द पन्थी, दलराम टमाटा, मदनबहादुर कुँवर, देवबहादुर कुँवर, हिक्मतबहादुर बोहरा, अनिलकुमार उप्रेती, शैलेन्द्रकुमार खड्का, उद्धवप्रसाद अधिकारी, रामबहादुर चन्द, सुजितकुमार ओझा, फणीन्द्र रानाभाट, विजय थापा, जमुनाकुमारी बस्नेत पनि अवकाश हुँदैछन् ।

इन्स्पेक्टर ३५ जना अवकाश भएका छन्। अवकाश हुनेमा योगराज न्यौपाने, शान्तराम कार्की, हिराबहादुर केसी, खेमराज कडायत, सरोजकुमार ठकुराठी, जयराम वन्त, भुवन भट्ट, कृष्ण रानामगर, ओमप्रकाश वाग्ले,बिजुलीनाथ योगी, गिन्द्रबहादुर बोगटी, खिमबहादुर घर्तीमगर, अर्जुनप्रसाद पोखरेल, उदयमान द्विवेदी, काशीराज रेग्मी, हरिविष्णु ढकाल, रविभूषण प्रसाद यादव, राजेन्द्रप्रसाद यादव, उदयसिंह सिजापती, मोहन थापा, कलेन्द्रविक्रम शाही र मानप्रसाद श्रेष्ठ  छन् ।

यस्तै किसन चन्द ठकुरी, अवधकिशोर ओझा, विजय भण्डारी, भीमबहादुर कार्की, प्रेमबहादुर बोहरा, नरपति भट्ट, जगत दमाई, मेघनाथ चापागाईं, निलमबहादुर भण्डारी, तीर्थबहादुर भण्डारी, जगदीश पौडेल, गोपाल चालिसे र कमल आचार्यले पनि अवकाश पाएका छन् ।

यसैगरी सशस्त्र प्रहरी तर्फ सशस्त्र प्रहरी वरिष्ठ उपरीक्षक विश्व भट्टराई, एसपीहरु पूर्ण साउद, त्रिभुवन विष्ट, धनबहादुर सिंह, अशोककुमार शाक्य, दीपेन्द्र गिरी, उद्धव रावल, प्रेम रावल, गोपाल श्रेष्ठ र हर्क शाही, डीएसपीहरु कान्छु भण्डारी, भीम चौधरी, कर्ण बुढामगर र महेन्द्रराज भारती अवकाशमा गएका छन् ।