निर्मला कुर्मीका हत्याका मुख्य अभियुक्तलाई मन्त्री पदमा नियुक्त गरेको विरोधमा पैदलमार्च

१६ भदौ , काठमाडौं । निर्मला कुर्मीका हत्याका मुख्य अभियुक्त बादशाह कुर्मीलाई मन्त्री पदमा नियुक्त गरेको विरोधमा माइतीघरदेखि बालुवाटारसम्म पैदल यात्रा आयोजना गरिएको छ ।

उक्त पैदल मार्चको आयोजना महिला अधिकार मञ्च, महिला सुरक्षा दवाब समूह, नेपाल मुस्लिम महिला कल्याण समाज, महिला मानव अधिकार रक्षक सञ्जाल, महिला अधिकारका लागि राष्ट्रिय अभियान, महिला विश्वास संघ, साप नेपाल, जागर नेपाल, मिलीजुली समाज, मितिनी नेपाल, ल्याक, युथ एडबोकेसी नेपाल र एबीसी नेपालले संयुक्त रुपमा गरेको हो । सो पैदल मार्चलाई वृहत् नागरिक आन्दोलनले ऐक्यबद्धता जनाएको छ ।