तीन डीआईजीको काज सरुवा, को कहाँ ?

काठमाडौं । नेपाल प्रहरीका तीन डीआइजीको सरुवा भएको छ । गृह मन्त्रालयले नेपाल प्रहरीका तीन जना डीआईजीहरूको काज सरुवा गरेको हो । गृहले सोमबार डीआईजीहरू कृष्णहरि शर्मा पोखरेल, किरण राणा र भरतबहादुर बोहोराको काज सरुवा गरेको जानकारी दिएको छ । 

काठमाडौं उपत्यका प्रहरी कार्यालय रानी पोखरीमा कार्यरत डीआईजी पोखरेललाई बागमती प्रदेश कार्यालय हेटौंडा पठाइएको छ। केन्द्रीय अनुसन्धान व्युरोका डीआईजी किरण राणालाई त्रिभुवन अन्तर्राष्ट्रिय विमानस्थल सुरक्षा कार्यालय र बोहोरालाई कार्यविभागबाट काठमाडौं उपत्यका ट्राफिक प्रहरी कार्यालय रामशाह पथमा काज सरुवा गरिएको छ ।

बाग्मती प्रदेशबाट आइतबार मात्रै विष्णु केसीको सरुवा भएको थियो भने ट्राफिक प्रहरी कार्यालयबाट जीवन श्रेष्ठको अवकाश भएको थियो ।