सामान्य बढेर २८३० अंकमा कायम रह्यो नेप्से, १३ अर्ब ५७ करोडको शेयर खरिदबिक्री

१८ भदौ, काठमाडौं । सोमबारको तुलनामा मंगलबार नेप्से सामान्य अंकले बढेको छ । आज नेप्से ६.९० अंकले बढेर २८३०.१६ विन्दुमा बन्द भएको छ । यसदिन कारोबार रकममा पनि सुधार आएको छ । यसदिन ३२८ वटा धितोपत्रको तीन करोड ५ लाख ९९ हजार ८९० कित्ता शेयर किनबेच भएको छ । 

अघिल्लो दिन १२७ अंक बढेको थियो । परिसूचक बढ्दा कारोबार केही बढेको छ । अघिल्लो दिन १३ अर्ब १० करोडको कारोबार भएकोमा आज १३ अर्ब ५७ करोडको भयो । कुल १०६ कम्पनीको मूल्य बढ्दा १३३ को घट्यो भने ५ को स्थिर रह्यो । यसदिन सात कम्पनीको शेयर मूल्य १० प्रतिशतका दरले बढेको छ ।

एनएलजी इन्स्योरेन्स, सिन्धु विकास बैंक, मातृभूमि लघुवित्त, ग्रीन डेभलपमेन्ट बैंक, विन नेपाल लघुवित्त, मानुषी लघुवित्त र विन्ध्यवासिनी हाइड्रोपावरको शेयर मूल्य १० प्रतिशतका दरले बढेको छ । हिमालयन पावर पार्टनरको मूल्य सर्वाधिक ८.८६ प्रतिशतले घटेर कित्ता मूल्य ४२२ रूपैयाँमा झरेको छ ।

दोल्ती पावरको मूल्य ८.४७ प्रतिशतले घटेको छ । उक्त कम्पनीको मूल्य ६७० रूपैयाँ कायम भएको छ । मंगलबार एनएलजी इन्स्योरेन्सको सर्वाधिक कारोबार भएको छ । कम्पनीको प्रतिकित्ता मूल्य एक हजार २७० रूपैयाँ ५० पैसामा ३४ करोड ७२ लाखको शेयर कारोबार भएको छ ।

सर्वाधिक शेयर खरिद–बिक्री हुने दोस्रो कम्पनीमा गुडविल फाइनान्स रहेको छ । उक्त कम्पनीको प्रतिकित्ता एक हजार २५५ रूपैयाँमा २९ करोड ५४ लाख रूपैयाँ बराबरको शेयर कारोबार भएको छ । आज कारोबारमा आएका १३ वटा समूहगत परिसूचकमध्ये पाँच समूहको परिसूचक बढेको छ भने बाँकी आठ समूहको परिसूचक घटेको छ ।

यस दिन बीमा क्षेत्रमा आकर्षण देखियो । निर्जीवन बीमा समूह सबैभन्दा धेरै ४.७८ प्रतिशत बढ्यो भने जीवन बीमा समूह २.२८ प्रतिशत बढ्यो । त्यस्तै विकास बैंक १.३२, होटल तथा पर्यटन ०.६५, माइक्रोफाइनान्स ०.३६ प्रतिशत बढे । बैंकिङ ०.६७, फाइनान्स १.५७, हाइड्रोपावर ०.५०, लगानी ०.४४, उत्पादन ०.१४, अन्य ०.१८, ब्यापार ०.४१ प्रतिशत घटे ।