एमालेले कुनै पनि चुनावमा तालमेल नगर्ने

१८ भदौ, काठमाडौं । नेकपा एमालेले आउन लागेको उपचुनाव र ०८४ मा हुने निर्वाचनमा कसैसँग गठबन्धन नगर्ने भएको छ । मंगलबार सुरु भएको पोलिटब्यूरो बैठकलाई सम्बोधन गर्दै अध्यक्ष ओलीले उपचुनाव र ०८४ को निर्वाचनमा एमालेले कसैसँग गठबन्धन नगर्ने बताएका हुन् । ओलीले स्थानीय तहको उपचुनावमा पनि कसैसँग तालमेल नहुने बताए ।

पोलिटब्यूरो बैठकमा ओलीले एमालेले एक्लै चुनाव लड्ने तयारी गर्नुपर्ने बताए । ‘स्थानीय तहको उपचुनावमा हामी एक्लै लड्ने हो । त्यसैअनुसार अहिलेबाटै तयारी गर्नुपर्छ भन्दै ओलीले उपचुनावबाटै दलहरु एक्लाएक्लै प्रतिस्पर्धा गर्ने अवस्था बनाइने बताए । सरकारले गरिरहेको राम्रो कामको प्रचार र संगठन सुदृढीकरणमा जुट्न उनले निर्देशन दिए ।