प्रहरी अधिकारीले सर्वोच्चमा दिएको उमेर हद सम्बन्धी रिट न्यायाधीश मल्ल र चुडालको इजलासमा

२० भदौ, काठमाडौं । नेपाल प्रहरीका एआईजी श्याम ज्ञवालीसहित पाँच प्रहरी अधिकारीले सर्वोच्चमा दायर गरेको रिट सर्वोच्च न्यायाधीश सपना प्रधान मल्ल र कुमार चुडालको इजलासमा परेको छ । यो रिटको पेसी इजलासको (१) नम्बरमै चढेको छ । 

उनीहरुले उमेर हद अनुसार अवकाश नपठाउन माग गर्दै १२ भदौमा सर्वोच्चमा निवेदन दिएका थिए । पहिलो सुनुवाइमा १३ भदौमा न्यायाधीश सारंगा सुवेदीको इजलासले अन्तरिम आदेश दिन अस्वीकार गर्दै विपक्षीसँग लिखित जवाफ मात्र माग गरेको थियो । त्यसैगरी अन्तरिम आदेशका लागि दुबै पक्षलाई छलफलमा बोलाउने आदेश दिएको थियो ।