कानुनको पालना नगरेपछि श्रेष्ठ अध्यक्ष रहेको न्यायपरिषदलाई नै सर्वोच्चले दिनुपर्यो यस्तो आदेश
नेपालबहस संवाददाता
भदौ २०, २०८१ बिहिबार १३:१६:५८
२० भदौ, काठमाडौं । न्यायाधीश पद रिक्त भएको मितिले एक महिनाभित्र नियुक्तिका लागि नयाँ नाम सिफारिस गर्नुपर्ने कानुनको उल्लंघन भएको भन्दै सर्वोच्च अदालतले न्यायपरिषदलाई कानुनको पालना गर्न आदेश गरेको छ । सर्वोच्च अदालतका प्रधानन्यायाधीश न्यायपरिषदको अध्यक्ष हुने व्यवस्था छ ।
प्रधानन्यायाधीशको अध्यक्षतामा रहने न्याय परिषदलाई कानुन पालना गर्न सर्वोच्चले नै परमादेश जारी गरेको अवस्थालाई कतिपय कानुन व्यवसायीले अमिल्दो देखिएको बताएका छन् । अधिवक्ता दीपकविक्रम मिश्रको रिटमा न्यायाधीश हरि फुयाँल र विनोद शर्माको संयुक्त इजलासले भदौ १८ गते यस्तो आदेश दिएको हो । न्याय परिषद् ऐन, २०७३ को दफा ४ मा सर्वोच्चका न्यायाधीशको पद रिक्त हुनुभन्दा कम्तीमा एक महिनाअघि नियुक्ति सिफारिस गर्नुपर्ने व्यवस्था छ ।
प्रधानन्यायाधीश अध्यक्ष रहने न्यायपरिषदले यो कानुन पालना नगरेको सर्वोच्चको ठहर हो । अहिले उच्चमा १६ जना र सर्वोच्चमा चार जना न्यायाधीशको पद रिक्त छ । यो रिट ०७५ सालमा दायर भएको थियो । न्याय परिषद् सचिवालय समेतलाई विपक्षी बनाइएको रिटको पटक–पटक पेसी सर्दै आएको थियो । ६ वर्षपछि उक्त कानुनी व्यवस्था पालना गर्न आदेश गरिएको हो ।
सर्वोच्चमा प्रधानन्यायाधीशसहित २१ न्यायाधीश रहने संवैधानिक व्यवस्था छ । हाल १७ जना मात्र कार्यरत छन् । रिक्त पदमा नियुक्तिका निम्ति न्याय परिषद् बैठक बोलाइए पनि नाम सिफारिस हुन सकेको छैन । अब प्रधानन्यायाधीश विश्वम्भरप्रसाद श्रेष्ठको अवकाश हुने समय आइसकेको छ । उनी असोज १८ गते अवकाशमा जाँदैछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएनआरएन विवादमा मिसिल झिकाउने आदेश
भदौ ३१, २०८१ सोमबार
नदी किनारमा २० मिटर मापदण्डबारे सरकारले दर्ता गरायो सर्वोच्चमा भ्याकेट निवेदन
भदौ ३१, २०८१ सोमबार
सहकारी ठगी प्रकरणः रवि लामिछानेलाई दोषी किटान गर्दै प्रतिवेदन बुझाइँदै
भदौ ३१, २०८१ सोमबार
ट्रम्पमाथि फेरी हमलाको प्रयास
भदौ ३१, २०८१ सोमबार
डीएसपी सरुवाः इन्चार्जमा ३० सीट तर सयभन्दा बढीको दावी
भदौ ३१, २०८१ सोमबार
भारतको सहयोगमा निर्मित महेन्द्र शान्ति माध्यमिक विद्यालय भवनको उद्घाटन
भदौ ३१, २०८१ सोमबार
कांग्रेस लुम्बिनी प्रदेशसभा सचेतक गिरीले दिइन् पदबाट राजीनामा
भदौ ३१, २०८१ सोमबार
सातौं बेलबारी अन्तराष्ट्रिय गोल्डकप हुँदै
भदौ ३१, २०८१ सोमबार
कास्की प्रहरीद्वारा ८६ जना फरार प्रतिवादी पक्राउ
भदौ ३१, २०८१ सोमबार
तथ्यहीन प्रचारबाजी नगर्न युट्युबरलाई काउन्सिलको दिर्नेशन
भदौ ३१, २०८१ सोमबार
कोशी प्रदेश सरकारले संविधान दिवस–२०८१ तीन दिन मनाउने
भदौ ३१, २०८१ सोमबार