सुन्दरीजलमा ढुंगाको चेपभित्र महिलाको शव भेटियो

२० भदौ, काठमाडौं । काठमाडौं सुन्दरीजलमा ढुंगाले च्यापिएको अवस्थामा एक जना महिलाको शव भेटिएको छ । गोकर्णेश्वर नगरपालिका–१ को सुन्दरीजलको बोक्सेदहमा बिहीबार बिहान ढुंगामा च्यापिएको अवस्थामा सो शव भेटिएको हो ।

अहिले बौद्धबाट एको प्रहरीको टोली घटनास्थलमा पुगेर अनुसन्धान गरिरहेको बताइएको छ । अहिलेसम्म उनको परिचय नखुलेको पनि प्रहरीले जनाएको छ । प्रहरीले काठमाडौं  र आसपासका जिल्ला प्रहरी कार्यालयहरूसँग पनि समन्वय गरी मृतकको पहिचान खुलाउने प्रयास गरिरहेको छ ।