संविधान दिवसका दिन झण्डै १ हजार कैदी रिहा हुने

२० भदौ, काठमाडौं । कारागार व्यवस्थापन विभागले संविधान दिवसको दिन कैदीबन्दीको कैदकट्टा गर्न सूची सार्वेजनिक गरेको छ । असोज ३ गते संविधान दिवस मनाइन्छ । विभागले सोही दिन जेलमुक्त हुने झण्डै एक हजार जनाको सूची निकालेको छ । विभागले असार १० र भदौ १६ गरी दुई चरण सूची निकालेको छ । पछिल्लो सूचीमा करिव ५ सय जना कैदमुक्त हुने उल्लेख छ ।  

५० प्रतिशत कैद भुक्तान गरेका, जेष्ठ नागरिक र ४० प्रतिशत कैद भुक्तान गरेका कैदीबन्दीको कैदकट्टा सिफारिस गर्न सूचना प्रकाशन गरिएको हो । कारागार व्यवस्थापन विभागले असार १० गते ७ दिने सार्वजनिक सूचना आह्वान गर्दै ६२० जना कैदीको सजाय मिनाहाका लागि नामावाली निकालेको थियो । विभागले भदौ १६ गते फेरि ४९२ जनाको नामावलीसहित ७ दिने सूचना निकालेको छ । 

सजाय मिनाहा गर्न लागिएका उनीहरुविरुद्ध कुनै उजुरी वा गुनासो भए दिन सूचनामा भनिएको छ । कारागार व्यवस्थापन विभागले असार १० गते र भदौ १६ गते निकालिएका नामावलीका कैदीलाई माफी मिनाहाका लागि अब एकैपटक सिफारिस हुने जानकारी दिएको छ । जेठ १५ गते गणतन्त्र दिवसका दिन माफी मिनाहा गर्नु पर्ने पनि यसमा परेका छन् । 

सर्वोच्च अदालतको आदेशपछि नियमावली संशोधनको प्रक्रियाले गर्दा नामावाली प्रकाशित भएपनि माफी मिनाहा भने रोकिएको थियो । 

विभागले अघिल्लोपटक निकालिएको ६२० जनाको सूचीबाट १९ जनाको नाम हटेको जनाएको छ । उजुरी र गुनासो आएपछि उनीहरुको नाम हटाइएको बताइएको छ । विभागले पछिल्लो सूचीमा उजुरीको म्याद सकिएपछि सिफारिस हुने र अन्तिम संख्या तय हुने बताएको छ । 

यस्तो छ माफी हुनेको सूचीः