घोप्टेभीरमा खसेको पहिरो पन्छाउने क्रम जारी, सडक खुल्न समय लाग्ने

२१ भदौ, चितवन । शुक्रबार विहान घोप्टेभीरमा लेदोसहितको पहिरो खस्दा काठमाडौं आवत जावत गर्ने  सडक अवरुद्ध बन्द भएको छ । अहिले पहिरो पन्छाउने काम भइरहेको छ । नारायणगढ मुग्लिङ सडक खण्डको इच्छाकामना गाउँपालिका ४ मा पर्ने घोप्टेभिरमा  बिहान ७ बजे माथिबाट पहिरो खस्दा बाटो बन्द भएको हो । 

जिल्ला प्रहरी कार्यालय चितवनका अनुसार पहिरोको कारण काठमाडौं जाने बाटो दुईतर्फ नै अवरुद्ध भएको छ । प्रहरी टोली र सडक विभागले पहिरो पन्छाउने काम गरिहेका छन् । चितवनमा रातीदेखि नै पानी परिरहेको छ ।