रनवेमा अपाउनु पर्ने गति र तौलको सम्भावित असन्तुलनका कारण सौर्यको जहाज दुर्घटना

२१ भदौ, काठमाडौं । दुर्घटना जाँच आयोगले सौर्य एयरलाइन्सको जहाज दुर्घटना हुनुमा तौलको असन्तुलन मुख्य हुनसक्ने निष्कर्षसहित प्रतिवेदन बुझाएको छ । रनवे छाडेर १ फिट उचाईमा पुगेको जहाज असन्तुलित भई जमिनमा खस्दा १८ जनाको मेत्यु भएको थियो । दुर्घटनाको प्रारम्भिक प्रतिवेदन बिहीबार संस्कृति, पर्यटन तथा नागरिक उड्डयन मन्त्रालयमा बुझाइएको हो । 

पोखराका लागि उडेको सौर्य एयरलायन्सको विमान तौलको सम्भावित असन्तुलन, टेकअफ हुँदै गर्दा रन–वेमा अपाउनु पर्ने गतिको कमि र फेरि उडानमा अपनाउनु पर्ने मापदण्ड पालना नभएका कारण दुर्घटना भएको प्रतिवेदनको ठहर छ । गत साउन ९ गते काठमाडौं विमानस्थलमा सौर्यको जहाज दुर्घटना भएको थियो । सीआरजे–२०० विमान अन्दाजी १ सय ३० फिट उचाईबाट भुईंमा खसेर छरपष्ट भई जलेर नष्ट भएको थियो ।

यही दुर्घटना जाँच गर्न नागरिक उड्डयन प्राधिकरणका पूर्वमहानिर्देशक रतिशचन्द्रलाल सुमनको संयोजकत्वमा गठन गरिएको ५ सदस्यीय दुर्घटना जाँच आयोगले प्रतिवेदन बुझाएको हो । जहाजको प्राविधिक कारण र पाइलट मात्रैको कारणले उक्त दुर्घटना नभएको दाबी गरिएको छ । 
 
प्रतिवेदनका अनुसार दुर्घटनाको अवस्थामा आइपुग्नमा जहाजमा असन्तुलित तौरतरिकाले राखिएको सामानको तौल हुनसक्ने देखिएको छ । उक्त उडानमा जति तौल राखिएको भनिएको छ, त्यसभन्दा बढी राखिएको छानबिनका क्रममा सिसिटीभी फुटेजमा देखिन्छ । एकिन तौल विवरणको ट्रिम सिट बनाई चालकदललाई बुझाउन ग्राउन्डमै हुने लोडमास्टर, फ्लाइट डिस्प्याचर पनि चुकेको हामीलाई आशंका छ ।