पर्सामा निजामती सेवा दिवसका अवसरमा वृक्षारोपण

२२ भदौ, वीरगञ्ज 'पर्सा' । निजामती सेवा दिवसका अवसरमा जिल्ला प्रशासन कार्यालय परिसरमा आज विभिन्न प्रजातिका वृक्षारोपण गरिएको हो । 

प्रमुख जिल्ला अधिकारी दिनेशसागर भुसालले वृक्षारोपण गरेर निजामती दिवस मनाएको जानकारी दिए । कार्यालयका अनुसार आँप, कागती र अन्य विभिन्न प्रजातीका फूलसमेत वृक्षारोपण गरिएको थियो ।

सो अवसरमा पर्सा जिल्लाका रहेका सरकारी कार्यालय प्रमुख तथा कर्मचारीको पनि उपस्थिति रहेको थियो । यो वर्ष ‘व्यावसायिक र सिर्जनशील प्रशासन : विकास, समृद्धि र सुशासन’ भन्ने नारासहित निजामती  सेवा दिवस मनाइँदैछ ।