गृह मन्त्रालयद्वारा ५ जना प्रमुख जिल्ला अधिकारीको सरुवा

२६ भदौ, काठमाडौं । गृह मन्त्रालयले मंगलबार ५ जना प्रमुख जिल्ला अधिकारी (सीडीओ) को सरुवा गरेको छ । काठमाडौंसहित ५ जिल्लामा सीडीओ हेरफेर गरिएको छ ।

काठमाडौंका सीडीओ जितेन्द्र बस्नेत गृह मन्त्रालयमा तानिएका छन् । काठमाडौंमा जय नारायण आचार्य आएका छन् । उनी कारागार व्यवस्थापन विभागका महानिर्देशकको रूपमा कार्यरत थिए ।

गृहमा रहेका किरण थापालाई सिन्धुपाल्चोक पठाइएको छ । सिन्धुलीमा लिला शर्मालाई पठाइएको छ भने  अर्घाखाँचीमा बाबुराम अर्याल र प्युठानमा रमा आचार्य सुवेदीलाई पठाइएको छ । सिन्धुपाल्चोक, सिन्धुली र अर्घाखाँचीमा सीडीओ खाली थिए भने प्यूठानमा रहेका नारायणप्रसाद अर्याललाई गृहमा तानिएको  छ ।