युरोप पठाइदिन्छु भन्दै ठगी आरोपमा हास्य कलाकार ‘इकु’ पक्राउ

२६ भदौ, काठमाडौं । युरोप पठाउँछु भन्दै व्यक्ति ठगी गरेको आरोपमा प्रहरीले कलाकार सुलेमान शंकर इकु पक्राउ गरेको छ । कलाकार भिसामा युरोप पठाउँछु भनेर विभिन्न व्यक्तिलाई ठगी गरेको उजुरीका आधारमा केन्द्रीय अनुसन्धान ब्युरो (सीआईबी)ले उनलाई पक्राउ गरेको हो ।

उनले युरोपका विभिन्न देशमा आयोजना हुने सांस्कृतिक कार्यक्रममा आवश्यक पर्ने कलाकारका लागि कलाकार भिसामा लैजानेभन्दै प्रति व्यक्ती १५ देखि २० लाख रुपैयाँसम्म लिएको सीआईबीको दाबी छ ।

प्रहरीका अनुसार उनको नाममा रहेको एसएमएस फ्लिम्स प्रालीका नाममा पीडितलाई पैसा जम्मा गर्न लगाएका थिए । कलाकार भिसामा लैजान्छु भन्दै पैसा लिइएका व्यक्तिहरू जान नपाएपछि प्रहरी सम्पर्कमा पुगेका थिए ।