झापामा पूजाको प्रसाद खाँदा टोलका ६० भन्दा बढी बिरामी

२७ भदौ, काठमाडौं । पूजाको प्रसाद खाँदा झापाको अर्जुनधारा नगरपालिकाको वडा नम्बर नौ खरवन्डी गाउँका करिब ६० जना बिरामी भएका छन् । स्थानीय छत्र निरौलाको घरमा लगाएको पूजाको प्रसाद खाँदा करिब ५० जना स्थानीय बिरामी परेको पूर्व वडाध्यक्ष पुण्य प्रसाईँले नेपालबहसलाई जानकारी दिए ।

पूजामा गएकाहरूले सब्जी र रोटी अचार खाएका थिए । सब्जी अजार र रोटी खानेहरू अधिकांशलाई डायरिया र बान्ता भएको छ । केहीलाई ज्वरो समेत आएको छ भने बिरामी भएकाहरूलाई स्थानीय क्लिनिकहरूमा राखिएको छ । पूजाको प्रसादीमा फुड पोइजन हुँदा गाउँ नै बिरामी परेको स्वास्थ्यकर्मीले बताएका छन् ।